Bericht vom 29.09.2007: Das alte Haus vom Rocky Docky


Eigentli hetti d Jungschi erst am 13.40 agfange aber di einte Teilnehmer hend sich anschiinend so gfreut, dass scho z früh cho sind. Mir Leiter hend denn na alles schnell fertig parat gmacht und denn ischs denn au entli loosgange. Zerst hend mer Andacht gha. Natürli hend mer denn au na s'Lied - das alte Haus von Rocky Docky- gsunge …
später hend mer eus denn uuf de Wäg gmacht. Mir sind in Wald gloffe, leider sind d Cevianer au na dert gxsi und mer hend alles kurzerhand müese verschiebe… was aber nid so es grosses Problem gxsi isch. Jaa und denn isch's denn au erst so richtig loosgange. Mit viel iiver hend d Teilnehmer afange ihres Hüüsli z boue. Si hend nur Sache vom Wald zur verfüegig gha, hend aber scho uu schöni hüttli boue- denn ichs wiitergange, und sie hend chönne bi verschidene Pöste wiiteri Sache für's Hüsli verdiene zum denn am Schluss na ganz vertigzstelle… bim blubb hend die "arme" kind müese mit blache z hand cho… bi de Drisse sind's bi de Erste Hilf chli wiiterbildet worde, was denn au na rächt lustig worde isch, will ihre stüeli zämmeklappet isch… : (hett es stüeli gha will ja ihres chnü kaputt isch! 9 )
bi de Fitis ischs um's ässe gange… mmmh :, bi de Laeta hett mer sich musikalisch chönne zeige und bi de Warai isch's denn namal so richtig schwirig worde, will sie Seilkund gmacht hett! Wäred dene Pöste hend's s'gschänkete Material grad chönne verwände…
na dem lustige Postelauf hett eus de Izumi en Zvieri bracht. Viel viel brot und schoggistängeli! Merci viel mal!!!
ja und denn ischs na a de Schlussschliff gange vo dene herzige hüüsli… die Gruppe, mit de eltere Kind hend es Partyhuus gmacht und di andere es gmüetlich's Hüsli… mir Leiter hend denn das uusgwertet und sind denn au uf en Sieger cho! Und zwar die Gruppe mit de Party. Obwohl sie meh minus Pünkt gha hend als di andere händ si gunne- si hend meh plus Pünkt gha! (D Alopex isch da scho weg gxsi, drum hett sii nid mitbewertet!)
Ja und denn isch's au scho zum Schluss cho… ich glaube de Namittag hett allne mega guet gfalle.

Ich freue mich schon aufs nächste Mal!
Blick auf - Hilf
Drisse
  www.waldkauz.chback top