Bericht vom 14.01.2006: Snoopy


"Wunderschöns Wetter" (leider nur in Bäretswil), han ich dänkt, won ich d'Sache parat gmacht han für id Jungschi! Doch au dä Namitag isch cool worde!
Mir händ grad am Afang gsunge und dänn ä sehr lässigi Andacht vo dä Fitis ghört! Es isch drum gange, dass jede vo ois einzigartig isch. Ob dus glaubsch oder nöd! Au du, ja DU wo das lisisch, bisch einzigartig. Damit mir das au ja nöd vergässed, hät jede am andere öpis positievs uf es Härz gschribe, wo a oisem Rugge ghanget isch.
Nach de Andacht hämmer vier Gruppe gmacht und los isches gange mit eme Monopoly. Gnännt: Freakopoly!
D'Ereignis-Charte sind sehr speziell gxi. Da hät mer bim Öpfelässe müesse Öpfelmuess Läpple! Wie ä Chatz! Oder bim Büchseschüsse isches drum gange, so viel Bölle wie nur möglich i'd Türe ie schüsse. Mer hät au chöne Joker setze, wemer kei Gäld meh gha hät. Dä bescht joker han ich aber dä Z'Vieri gfunde. Dä hät ois d'Skua mitbracht! MERCI! Sie hät nämlich am 19. 1. Geburtstag! Happy Birthday!
Dä Namittag isch würklich sehr schön gxi! Und ich han ganz chöne vergässe, dass die hei schöns Wetter wär, so fägig han ich's gfunde!
Du au?

Bisch gwunderig wie dä Nächscht Namittag wird? Chum doch cho luege!
Bis denn
Laeta



  www.waldkauz.chback top