Bericht vom 13.11.2010: Hollywoodix


Hüt am 20 vor 2 hät ä verzwiifleti Jamaikanerin en Video uufruef gstartet. Si hät es Filmprojäkt im Sinn gha, doch dur ä Terminkolison isch si elei mit em Filmteam det gsi. Also hät si sich uf d Suechi nach Schauspiler gmacht.
Wo die gfunde gsi sind, ischs id EMK gange, zum Casting. Doch zerschd händ die junge Schauspiler müese es paar ufgabe meistere zum zeige, wie begabt das sind.
Zum Biispil händ müese über d Slakline laufe und däbi Zungebrächer vorsäge, Si händ sich müese Verchleide und en Text emotional vorläse, mit verschidnige Sache im Muul rede, öppis pantomimisch Darstelle,..
Nach däm das die Ufgabe gmeisteret gsi sind, ischs zum Fuesball gange. Aber natürlich nöd es normals 0815 Fuesball sondern es Abgänderets. Si händ nämlich bi jedere Ballberüehrig es Wort rüefe. Di eint Manschaft Jungschi und di ander Waldkauz.
Gstärcht vom Zvieri sind mer id Andacht gange. Dank däm gschnälle Wachstum chönd mer d Andachte wider i zwei Gruppe mache. Nämlich i dä Gruppe Wald und dä Gruppe Käuzli.
Dänn ischs so richtig los gange. S Casting hät chöne aafange. D Teilnehmer händ chöne für ihri Wunschrolle vorspile. Mir händ dänn all Rolle für euses Wiehnachtsspiil verteilt und dänn häts au scho wider gheisse: Zrugg uf dä Bäreplatz. Natürlich mit me uufruef, das sölled lehre dihei.

Blick auf - Hilf auf
Silex
  www.waldkauz.chback top