Bericht vom 13.05.2006: Esel


Dä armi Esel. Er isch dä beschti fründ vom Shrek! Er wär doch sooo gärn ä sones schöns Ross blibe! Aber leider hät dä Zaubertrank nöd aneghebet und so isch er wieder inen Esel zruggverwandlet worde. Drum hät er ois um Hilf bäte. Etweder mit Glück, mit Sport oder mit Frage beantworte händ mir chöne Gäld verdiene. Mit däm Gäld händ mir chöne gäg oisi Gägner kämpfe. Die Person wo gunne hät, hät mit dem Gäld vo dä andere Person en Bächer voll Zaubertrank chaufe. Dä Zaubertrank händ mir inen Chrueg glärt. Sobald dä voll gxi isch, händ mir dä zum Esel bracht und dä i sin Hals abe glärt. Die Gruppe wo meh Chrüeg voll Zaubertrank bracht hät, hät gunne. Aber leider isch di gliich Gruppe wo uf dä Bonus gstosse isch au uf dä Minus punkt cho. So isches am Schluss unentschide gxi! Es isch rächt lang gange, bis all druscho sind, wie s'Spiel gaht! Aber mir händ en feine Zvieri gha [da d'Laeta am 16. Geburtstag gha hät. Sie hät sich au sehr über s'Chärtli gfreut ] und nachher ä tolli Andacht. D'Silex hät ois super guet uf dä Gitarre begleitet. Sie därf ruhig wiederemal! Denn isch dä Namittag au scho wieder verbii gxi und mir sind Heigange!
Glaubed nöd (nöd immer) am Wätterbricht. Wiso?! Er hät für a däm Namittag nur Räge vorhergseit. Es isch dä GANZ TAG SUNNIG gxi!
  www.waldkauz.chback top