Bericht vom 8.07.2006: Nemo


Dä Nemo läbt im Wasser. Wie chönts au anderscht sii, mir sind au go bade!
Aber jedes Mal wänn mir in See wänd go bade, rägnets! Janu, so sind mir halt is Hallebad uf Bauma. Mir händ d'Vivi iiglade. S'letschtmal wo sie id Jungschi cho isch, sind mir au im Hallebad gxi und d'Warai hät dä z'Vieri mitbracht. Dämal isch d'Tesa s'letscht mal debii gxi, d'Warai hät dä megamegamega feini z'Vieri bracht und wieder am bade. So verzwickt
Es isch mega lässig gxi im Halli. Es hät nämlich praktisch kei Lüüt gha! Es isch für mich es richtigs Pläuschli gxi! Wie isches für die andere echt gwese? Ich ha s'gfühl gha, bim Tarzan händ au all es irre guets Dschungelgfühl gha. Und bim Ringlitauche und plauderle under Wasser händ au all Tolls erläbt. Nach dem all mit trochne und suubere (oder öpe nöd?) Haar dusse gxi sind, hämmer ebe de extrem fein Schoggizopf gässe, wo d'Warai X-tra für ois gmacht hät. Er isch würkliwürkli sehr fein gxi, danke!
Denn isch ois d'Frag gstellt worde, wo s'Endi vo dä Wält isch: Nordpool, Südpool, am Rand vo dä Charte, deet wo mer eilei isch oder chunts echt nöd ehner uf d'perschpektieve aa?!
Wänn mir us dä Sicht vo dä Bible lueged, isch s'Endi vo dä Welt deet, wos kei Chrischte hät.
Wer gaht deet hii? En Missionar, genau! D'Tesa wird au id Mission gah. Mir wünsched dir, dass du nöd elei bisch, deet am Endi vo dä Wält!

Ps: ha nachher no am andere Tag Wasser im linggä Ohr gha
Pps: häsch scho gspändet?

Blick auf - Hilf auf
Laeta
  www.waldkauz.chback top