Bericht vom 8.3.2003


Ändlich isch’s so wiit und d Jungschi hät agfange! D Material verteilig gaht los... und scho bald sind all am laufä, mir gönd nämlich in Wald go abchochä!
Im Wald sind mir zerst go Holz sueche und händ dänn zwei Füür gmacht. Öppe e Halbstund später hämer mit de Andacht agfange. Will 2003 s Jahr vo de Bible isch nämed mir das Thema dure. „Das isch au für d Leiter e Useforderig“, hät eus d Vivi gseit.
Wo mer dänn mit Chochä agfange händ, händ mir Grössere vo de Andacht no wiiterdiskutiert. Will aber am Halbi s Risotto nonig uf em Füür gsi isch hämer plötzlich chli müesse pressiere. Wos dänn doch ändlich am Chöcherle gsi isch sind uf zmal 3 Jungschärler entfüehrt wordä. S’Risotto isch ab em Füür cho und d Verfolgig isch los gange. Für de Fruchtsalat isches scho z spaat gsi! D Safran hät zum Glück guet uf s Risotto ufpasst.
D’ Laeta isch bi de Verfolgig über en Stei gstolperet und hät jetzt es blaus Bei.
Womer dänn alli 3 „Gängster“ gfange und an Baum bunde gha händ, hämmer ändlich gseh, wärs isch: D Luana, d Perle und de Meki.
Mir vo de Jungschi händ gmüetlich agfange ässe, während däm sich die Gfangne frei g macht händ.
D’ Perle und di andere händ au chli zässe welä aber ohni freii Händ z’ ässe isch relativ schwirig. Mir händ däne drüü eigentlich nüt wele gäh, doch plötzlich isch d Silex zu de Perle gangä und hät ire agfange ineschoppe. Darum händ dänn au die andere öppis übercho, de Meki vom Blubb, d Luana vo de Alopex.
Für de Fruchtsalat händ mir euses Jungschilied müesse singe, will di andere dä immernoni händ wele härgäh.
Nach em Ässe hämmer zämepackt und eus uf de Heiwäg gmacht. Am halbi Achti isch s Abträte gsi
Jetzt froii mi scho uf di nächst Üebig...
chum doch au, ich freu mi uf dich! Dini Fitis
  www.waldkauz.chback top