Bericht vom 03.12.2005: Halstuch

Hiiiiiilfeeeeeee! D'Skua und d'Safran sind vom "rote…" entfüert worde!
Und jetzt forderet dä gemein Typ au no 777 Hölzli (Geld) als Lösegeld! Da isch natürlich scho d'Frag ufcho, ob mir die zwei no wänd! Aber natürlich lönd mir oisi Jungschi nöd dur ä sone Entfüerig eifach um 2 Persone verchlinere. Und drum händ sich all a d'arbet gmacht. Und zwar händ müesse halstüecher hergstellt werde! Die hät mer dänn müesse zum Dealer bringe. Wenn dä iiferstande gsi isch mit däm wo hergstellt worde isch, hät mer denn au Hölzli übercho. Die hät mer denn sofort uf d'Bank zu dä Frau Schlappwasser (für die wo nöd druscho sind vo was die Näme sind: s'gägeteil vo Fit isch doch Schlapp und vo is Wasser = Fitis ' Schlappwasser) oder zu dä Frau Miesepeter ( dä name isch s'Gägeteil vo Laeta [das bedütet ja fröhlich, witzig…] ) Bi dä Bank hät mer dänn därfe würfle. Wämer Glück gha hät hätmer nomal 5 Hölzli übercho oder dä Betrag isch verdopplet worde. Wämer aber Päch gha hät ischer um d'Helfti gschrumpft oder suscht öpis isch passiert. Die wo s'Herstelle vo Hasltüecher nöd so im Griff gha händ oder lieber chli is Sportstudio gange sind, händ au det ihres Geld chöne verdiene. Dä gröschti Feind vo allne isch dä Roiber gsi (d'Alopex hät müesse dra glaube. Sie hät am andere Tag so en schöne blaue Ring am linke Oberarm gha. Und uf dä andere Site en riesegrosse Blaumose. Vo wem? *g*). Userd bim Sportstudio, bim Dealer, bi dä Bank und bim Lager isch kei Kampfzone gsi. Suscht hät mer überall därfe die andere "rupfe"! zum Glück händs mir dänn doch no gschafft s'Lösegält zämesammle. Wenn die eint gruppe dä Roiber nöd het chöne usraube, wärs bimene Punktestand vo: Gruppe A 665 Hölzli
Gruppe B 654 Hölzli
So viel ich no weiss, hät d'Gruppe A dän ebe d'Alopex no chöne rupfe und drum au gunne. Aber schlussendlich händ dänn alli vo däm feine Z'vieri übercho. Wo d'Skua und d'Safran i däre Ziit gmacht händ. Danke!
Nachdem alli s'Muul wieder lär gha händ und dä Mage voll, händ mir dänn do gsunge. Am 5i sind dänn alli glücklich hei gange!


Ä schöni Adventsziit wünscht dir d'Laeta


Mir häts sehr guet gfalle! Dir au? Schrib doch dini Meinig oder suscht irgendöpis (s'cha au nur es Grüessli sie) is Gästebuche.


  www.waldkauz.chback top